Home Master Index
←Prev   Psalms 53 as rendered by/in  Next→ 


53:1  למנצח על-מחלת משכיל לדוד ב אמר נבל בלבו אין אלהים השחיתו והתעיבו עול-- אין עשה-טוב
53:2  אלהים-- משמים השקיף על-בני-אדם לראות היש משכיל-- דרש את-אלהים
53:3  כלו סג יחדו נאלחו אין עשה-טוב אין גם-אחד
53:4  הלא ידעו פעלי-און אכלי עמי אכלו לחם אלהים לא קראו
53:5  שם פחדו פחד-- לא-היה-פחד כי-אלהים--פזר עצמות חנך הבשתה כי-אלהים מאסם
53:6  מי יתן מציון ישעות ישראל בשוב אלהים שבות עמו יגל יעקב ישמח ישראל